សូម​ថ្វាយព្រះពរ​សម្តេចព្រះ​មហាក្សត្រី នរោត្តម មុនិនាថ សីហនុ ជាទីគោរព​សក្ការៈ​ដ៏​ខ្ពង់ខ្ពស់​បំផុត !

ក្នុងឱកាស​ដ៏​មហា​នក្ខត្តឫក្ស​វិសេសវិសាល​ថ្លៃថ្លា ប្រកបដោយ​សេចក្តី​អភិរម្យ​សោមនស្ស​រីករាយ នៃ​បុណ្យចូលឆ្នាំថ្មី ឆ្នាំ​សកល ២០២១ ខាងមុខនេះ ទូលព្រះបង្គំ និង​ក្រុមគ្រួសារ សូម​ថ្វាយព្រះពរ​ជ័យ សិរី​មង្គល វិបុល​សុខ​គ្រប់ប្រការ​ថ្វាយ​ចំពោះ​សម្តេចព្រះ​មហាក្សត្រី នរោត្តម មុនិនាថ សីហនុ ព្រះវររាជ​មាតា​ជាតិខ្មែរ ក្នុង​សេរីភាព សេចក្តីថ្លៃថ្នូរ និង​សុភមង្គល ជាទីគោរព​សក្ការៈ​ដ៏​ខ្ពង់ខ្ពស់​បំផុត ។​

​នៅក្នុង​វេលា​ដ៏​វិសេសវិសាល​ថ្លៃថ្លា​នេះដែរ ទូលព្រះបង្គំ សូម​លំឱនកាយ​ក្រាប​អភិវន្ទ ប្រកបដោយ​មនោសញ្ចេតនា និង​ក​ត្ត​ញ្ញូ​តា​ធម៌​ដ៏​ជ្រាលជ្រៅ​ចំពោះ​ព្រះមហា​ករុណា​ទិ​គុណ​របស់​សម្តេចព្រះ​មហាក្សត្រី ព្រះវររាជ​មាតា​ជាតិខ្មែរ ដែលជា​និច្ចកាល​ព្រះអង្គ​តែង​យក​ព្រះទ័យ​ទុកដាក់ និង​យក​អស់កម្លាំង​ព្រះកាយពល ព្រះ​បញ្ញាញាណ បំពេញ​ព្រះរាជកិច្ច​ដ៏​ថ្លៃថ្លា​ក្នុង​វិស័យ​សង្គមកិច្ច និង​មនុស្សធម៌ ប្រកបដោយ​ព្រះរាជហឫទ័យ​ដ៏​សប្បុរស​ថ្លៃថ្លា​បំផុត​ចំពោះ​មាតុភូមិ និង​ប្រជារាស្ត្រ​ជាទី​ស្រលាញ់​របស់​ព្រះអង្គ​។​

​ទូលព្រះបង្គំ និង​ក្រុមគ្រួសារ សូម​លើក​ហត្ថ​ប្រណម្យ​បួងសួង​ដល់​គុណបុណ្យ​ព្រះ​រតនត្រ័យ វត្ថុ​ស័ក្តិសិទ្ធិ​ទាំងឡាយ​លើ​លោក ទេវតា​ថែរក្សា​ព្រះមហា​ស្វេតច្ឆត្រ ព្រះ​បារមី​នៃ​អតីតព្រះមហាក្សត្រ ព្រះមហាក្សត្រី​យា​នី​ខ្មែរ​គ្រប់​ព្រះអង្គ សូម​យាង​តាម​ថែរក្សា និង​ប្រោះព្រំ​នូវ​សព្ទសាធុការ​ពរជ័យ សិរី​សួស្តី ជ័យ​មង្គល វិបុល​សុខ មហាប្រសើរ​ថ្វាយ​សម្តេចព្រះ​មហាក្សត្រី នរោត្តម មុនិនាថ សីហនុ សម្តេចម៉ែ សម្តេច​យាយ សម្តេច​យាយទួត ជាទីគោរព​សក្ការៈ​ដ៏​ខ្ពង់ខ្ពស់​បំផុត សូម​ព្រះអង្គ​បាន​ប្រកបដោយ​ព្រះរាជសុខភាព​ល្អ​បរិបូរណ៍ ព្រះកាយពល​មាំមួន ព្រះ​បញ្ញាញាណ​វាងវៃ ព្រះ​ជន្មាយុ​យឺនយូរ​ជាង​រយ​ព្រះវស្សា ដើម្បី​គង់​ជា​ម្លប់​ដ៏​ត្រជាក់ត្រជុំ សម្រាប់​ប្រជារាស្ត្រ​ខ្មែរ ជា​កូន ចៅ ចៅទួត របស់​ព្រះអង្គ ជានិច្ច​និរន្តរ៍​តរៀង​ទៅ​។​