​គតិបណ្ឌិត​នៃ​ភាពជោគជ័យ​​អាច​ផ្តល់​ឱ្យប្រិយមិត្ត​អ្នកអាន​នូវ​គំនិតល្អៗ ដើម្បី​ពិចារណា​ឆ្ពោះទៅរក​ភាពជោគជ័យ​ក្នុង​ជីវិត​។ គ្រប់​ពាក្យពេចន៍ គ្រប់​កថាខណ្ឌ​ទាំងអស់ សុទ្ធតែ​ត្រូវបានធ្វើ​ការសម្រិតសម្រាំង និង​ចងក្រង សម្រាប់​ផ្តល់​ជា​ពុទ្ធិ ដើម្បី​ពិចារណា ក្នុងការ​ត្រងត្រាប់​ជា​មាគ៌ា ជីវិត​។ ប៉ុន្តែ​ទោះបី​យ៉ាងណាក៏ដោយ ខ្ញុំ​នៅតែ​គិតថា កុំថាឡើយ១០ ឬ២០គំនិត​ ទោះបីជា​រយ​លាន​គំនិត​ទៀត ក៏​មិនអាច​ផ្លាស់​ប្តូរជីវិត​របស់​អ្នក​បានដែរ ប្រសិនបើ​អ្នក​មិន​ព្រម​ផ្លាស់ប្តូរ​ខ្លួនឯង​ជាមុនសិន​នោះ​។​
១. ឪពុកម្តាយ​ ឬ​មេ​កើយ​នៅ​ជេរ នៅ​ថា គឺ​នៅ​ស្រឡាញ់ បើ​គាត់​ឈប់​ជេរ ឈប់​ថា គឺ​ឈប់​ស្រឡាញ់​
២. ​រឿងនិទាន​ក្នុង​ចិត្ត​អំពី​ប្រវត្តិ​ការឈឺចាប់ បរាជ័យ ជោគជ័យ ស្នេហា វា​ជា​រឿង​អា​ទ៍​កំបាំង​របស់​មនុស្ស​
​៣. ក្តី​ស្រឡាញ់​ខ្លាំងពេក នាំ​ឲ្យ​មានការ​ប្រច័ណ្ឌ ការ​ប្រច័ណ្ឌ​ជា​ប្រភព​អពម​គ្គល​
៤. ​យុទ្ធវិធី​អ្នកដឹកនាំ​ក្នុងការ​ប្រើ​មនុ​ស្សគឺ បញ្ជា បញ្ជោរ បញ្ចោ បញ្ឆេះ បញ្ចេញ 
៥. ​កុំ​ស្រឡាញ់​ពេក កុំ​ជឿ​ពេក កុំ​ស្អប់​ពេក កុំ​អាណិត​ពេក វា​នាំ​ឲ្យ​អ្នក​ឈឺចិត្ត​
​៥. អាវុធ​សម្ងាត់​អ្នក​ជោគជ័យ​គឺ​តស៊ូ​ឧស្សាហ៍​ព្យាយាម​និង​ភាព​ម៉ឺង​មាត់​
​៦. យើង​ត្រូវ​គ្រោកឈ​រហើយ​និយាយ​ដោយមាន​សិទ្ធិ​ស្មើគ្នា​ចំពោះមុខ​
​៧. បើ​មាន​លុយ​ឲ្យ​វា​ដេក​ប្រសើរ បើ​ឲ្យ​លុយ​ដើរ​មាន​ហេង​មាន​ស៊យ​
៨. ​មកដល់ពេលនេះ​ខ្ញុំ​បាន​អាន​មនុស្ស​ច្រើនជាង​អាន​សៀវភៅ ធ្វើ​ឲ្យ​ខ្ញុំ​ស្គាល់​មនុស្ស​ច្រើន​ប្រភេទ​គឺ មិត្ត សត្រូវ អែបអប ត្រចៀកស ហៃអើរ ហើយ​មាន​មនុស្ស​ល្អ​តិច​ណាស់​!,.
​៩. ពេល​អ្នកមាន​សម្បូ​រញា​តិ ពេល​អ្នកធ្លាក់​ខ្លួន​ក្រ​សម្បូរ​សត្រូវ ចង់​ឲ្យ​គេ​ប្រើ​លុះត្រាតែ​អ្នកខ្លាំង​!
​១០. ពេល​កំពុង​ខឹង​កុំ​ឆ្លើយតប ពេល​សប្បាយចិត្ត​កុំ​សន្យា ពេល​ពិបាកចិត្ត​កុំ​សម្រេចចិត្ត​
១១. ​ក្មួយៗ​ឈើចាក់ធ្មេញ​ចាក់​បានតែ​ធ្មេញ បើ​ហ៊ាន​ភ្នែក​ប្រាកដជា​ខ្វាក់​ហើយ​!
​១២. កែប្រែ​ការឈឺចាប់​ឲ្យ​ទៅជា​កម្លាំងចិត្ត​ដើម្បី​ភាពជោគជ័យ​
១៣. ​មនុស្ស​ស្រី​មិនទាន់មាន​ប្តី​ដូចជា​បុប្ផា​ក្នុង​សួន តែ​ពេល​មាន​ប្តី​ហើយ​ដូចជា​គ្រឿង​សង្ហា​រឹម​នៅក្នុង​ផ្ទះ​អញ្ចឹង​!
​១៤. សមត្ថភាព​ពិតប្រាកដ​ត្រូវ​ចំណាយ​កម្លាំងកាយ​ចិត្ត​និង​ពេលវេលា​ហ្វឹកហាត់​និង​ផ្លាស់ប្តូរ​ផ្នត់គំនិត​ទទួលបាន​នូវ ចំណេះដឹង ទេពកោសល្យ និង បុគ្គ​លឹក​លក្ខណ​:​ល្អ​(​ឥឡូវ​នះ​ជា​យុគសម័យ​រត់ប្រណាំងរ​ក​ការងារ​)
​១៥. យប់​ស្រ​ម៉ៃ ថ្ងៃ​ចងចាំ ឆ្នាំ​រលឹក នឹក​តែ​កូនស្រី​ស​ក្ក័​ទិ​តា​
១៦. ​សម្រេច​ម​ហិ​ច្ឆិ​តា​ត្រូវការ​ប្រ​អាវុធ​នៃ​ក្តី​គោរព ស្រឡាញ់ កោត ខ្លាច 
១៧. ​នៅក្នុង​បក្ស​មាន​ក្រុម នៅក្នុង​ក្រុម​មាន​ពួក នៅក្នុង​ពួក​មាន​មិត្ត​ភ​ក្រ័ មិត្ត​ភ​ក្រ័​មាន​អាក្រក់​មាន​ល្អ​
១៨. ​ការពារ​សុខភាព ប្រសើរ​ជាង​ការព្យាបាល​អស់​លុយ​ច្រើន ហើយ​រំខាន​សុភមង្គល​គ្រួសារ​ទៀត​
​១៩. លក្ខ​សម្បត្តិ​មេទ័ព​ឆ្នើម​គឺ មនុស្សសាស្ត្រ ដា​រា​សាស្ត្រ ភូមិសាស្ត្រ យុទ្ធសាស្ត្រ​កល​យុទ្ធ វិន័យ​និង​គុណធម៌
​២០. ភាពថ្លៃថ្នូរ​របស់​មនុស្ស ស្ថិតនៅត្រង់​ចេះ​ឲ្យ​តម្លៃ​មនុស្ស​
​២១. អ្នកណា​សើច​ក៏ដោយ​យំ​ក៏ដោយ ឲ្យ​តែ​អតិថិជន​ទិញ​ផលិតផល អ្នក​គិតតែ​ពី​លក់​យកចំណេញ​ទាន់​ឱកាស​ហុច​ឲ្យ​
​២២. ដឹង​គេ​និង​ខ្លួនឯង​បានឈ្នះ​
២៣. ​គតិបណ្ឌិត​គឺជា​ពាក្យពេចន៍​ផ្អែម​ល្វីង​ជូរចត់​ដែល​ធ្វើ​មនុស្ស​ផ្លាស់ប្តូរ​ផ្នត់គំនិត​ឈានទៅ​ទទួលបាន​ជោគជ័យ​
​២៤. ចិត្ត​មនុស្ស​ផ្លាស់ប្តូរ កូនង៉ែត​ស្រឡាញ់​បោះ កុមារ​ស្រឡាញ់​ញុ​ាំ យុវវ័យ​ស្រឡាញ់​សម្ផស្ស​
​២៥. ចំណាស់​ស្រឡាញ់​ប្រាក់ ចាស់​ស្រឡាញ់​សុខភាព ធម្មជាតិ​ក៏​ផ្លាស់ប្តូ​រដែរ​
​២៦. រស់​ជា​មនុស្ស​ត្រូវ​ឆ្លង​ឲ្យ​ផុត​នូវ​ពាក្យ​ដំណាល គ្រូ​ទាយ ម្តាយ​ថា មេ​កើយ​និយាយ​
២៧. ​នៅក្នុង​អង្គភាព អ្នកសុខ​ចិត្ត​ចាញ់​មនុស្ស​ម្នាក់​ដើម្បី​ឈ្នះ​មនុស្ស​ទាំងពួង​
២៨. ​ពេលនេះ ម៉ោង​នេះ ថ្ងៃនេះ ខែ​នេះ ឆ្នាំនេះ គួរ​យល់​ហើយពី​ជីវិត​រស់នៅ​ដែលមាន​មេ​កើយ​ស្អប់​អ្នក ព្រោះ​អ្នក​នៅ​ជុំវិញ​មេ​កើយ​អ្នក​ក៏​ស្អប់​អ្នក​ដែរ​ត្រូវ​ចាំ អ្នក​ត្រូវតែ​ចេះ​រស់​ប្រកបដោយ​ឧ​ត្ត​រ​ជីវិត​!
២៩. ​កើត​មកជា​គ្រូ​រងចាំ​តែ​គេ​ថា​
​៣០. បង្រៀន​ទៅ​កូន​គេ​ពូកែ​មក​ពូជ​គេ​ល្អ តែបើ​កូន​គេ​ខ្សោយ​មកពី​គ្រូ​មិនកើត​
​៣១. ការធ្វើ​អំពើ​ល្អ​មិនបាច់​ឲ្យ​អ្នកណា​ដឹង​ទេ ឲ្យ​តែ​ខ្លួន​យើង​ដឹង​ទៅបាន​ហើយ​
​៣២. បើ​ចង់យក​ឈ្នះ​លើ​គូរ​ប្រ​គួ​ត​ប្រជែង ត្រូវយក​គូរ​ប្រ​គួ​ត​ប្រជែង​ធ្វើជា​គ្រូ​សិន​
​៣៣. ស្ងៀ​មស្ងាត់​ប្រសើរ​ជា​និយាយ​ច្រើន​អត់​ន័យ ហើយ​រឿង​ដែល​ពី​បាក​បំផុត​គឺ​ការ​ស្គាល់​ខ្លួនឯង​ជា​នរណា​
​៣៤. អ្នកចេះ​ច្បាប់​ប៉ុណ្ណា ក៏​មិន​ស្មើ​អ្នកចេះ​នីតិវិធី​ច្បាប់​ដែរ ព្រោះ​អ្នក​អនុវត្តិ​នីតិវិធី​នេះហើយ ជា​ប្រភព​នៃ​អំពើ​អ​យុ​ត្តិ​ធ៌​ម​
​៣៥. គ្មាន​ការ​នឹករលឹក​ណា​ស្មើនឹង​ការ​នឹង​រលឹក​មនុស្ស​ជាទី​ស្រឡាញ់​ឃ្លាតឆ្ងាយ​នោះទេ​
​៣៦. គ្មាន​ការឈឺ​ចិត្ត​ណា​ស្មើនឹង​ការឈឺ​ចិត្ត​បាត់បង់​មនុស្ស​ជាទី​ស្រឡាញ់​នោះទេ​
​៣៧. បើ​ចង់​កុំ​ឲ្យ​គេ​រិ​:​គន់ អ្នក​កុំ​ធ្វើ តែ​អ្នក​ត្រូវ​ចាំ​ថាបើ​មាន​គេ​រិ​:​អ្នក មានន័យថា​អ្នក​កំពង់​ធ្វើ​ត្រូវ ព្រោះ​ការ​រិ​:​គន់​ជា​មេរៀន​
៣៨. ​ស្ទូចត្រី​ត្រូវតែ​មានចិត្ត​អំណត់​និង​ស្ងាត់ស្ងៀម ទើប​ត្រីស៊ីសន្ទូច​!
​៣៩. បើ​ចង់​លឿន​ទៅ​ម្នាក់ឯង បើ​ចង់បាន​ជោគជ័យ​ត្រូវ​ទៅ​ជាមួយគ្នា​!
​៤០. ការវិនិច្ឆ័យ​លើ​បុគ្គល​ណា​ម្នាក់​ដោយ​គ្រាន់តែ​ឮ​គេ​ថា នោះ​អ្នក​អាច​សម្លាប់​គេ​ដោយ​មិនដឹង​ខ្លួន​

Offering you the 40 Wisdoms for your kind consideration and in order to use as additional resources for leading your organization to a success in the future. Thank you!